 |
| دندراوي يفكر في التعريصة المقبلة |
ماذا يعني أن تكون دندراوي؟ّ!
- لن يحجب لك مقال.
- سيقولون على خراءك صحافة.
- ستجد المتحدث العسكري السابق اللي مش لاقي حاجة يعملها فبيخري في اليوم السابع وفاكر نفسه بيكتب مقالات، بيوصفك بالكاتب الموهوب؛ ولك أن تتخيل الموهبة في اختيار عنوان لمقال زي "نحن متدينون بالفطرة.. نرتشى للحج.. ونستبيح اغتصاب أراضى الدولة وممتلكات الغير". ده عنوان والله مش المقال.
- هتاخد فلوس كتير أوي حتى لو مش إنت اللي بتكتب اللي بيتنشر باسمك.
- الرئيس هيتصل بيك ويقولك عاجبني المقال اللي شتمت فيه الثورة والعيال بتوع الفيسبوك، وهتحضر مؤتمرات الإبداع والإنطلاق اللي الحكومة بتنظمها، ودي فيها أكل كتير أوي على حساب الشعب.
هتسألني طيب ازاي أبقى دندرواي الهواري؟! بسيطة
- لو استدعى الامر افشخ الضحايا وقول عليهم إرهابيين، زي ما دندرواي قال على جزيرة الوراق منبع الإرهاب، واتهم ناهيا وكرداسة كلهم بإنهم إخوان، ودول تعدادهم على بعض حوالي 400 ألف واحد 
- أي فشل وأي حرق وأي تخريب وأي إرهاب، من غير تفكير قول الثورة هي السبب.
- خليك معرص لأبعد حد، لو السيسي قال خطاب كوميدي ومسخرة، اكتب عن بساطة الرئيس وعن جهل الشعب اللي مش قادر يفهمه، ولو باع شبرا لدولة خليجية خلي واحد محترف من العيال الغلابة اللي شغالين في الموقع يضرب أي ورقة ويقول إنها مستند بيثبت خليجية الأرض، متقلقش في ناس كتير هتشير الكلام ده، وهتعمل لك قلوب كمان.
- ومتنساش "الدولار بينهار" حتى لو الدولار واخد الجنيه ورا مصنع الكراسي.
- اتهم أي حد معارض بأي بتنجان حتى لو اتهام غير منطقي، هتعلي الطلب عليك في الحكومة، دندرواي مثلا كتب مقال بيقول إن هيثم الحريري بتاع مولوتوف
- تيران وصنافير سعودية حتى لو فيها دم.
- اطلع بقى على مؤخرة الأفعى وفهمه إنت ازاي نسخة من دندرواي، هتبقى إبراهيم الجارحي في الأول بس هتوصل صدقني.
